Arrestohet i riu që shkaktoi aksidentin ku humbi jetën 23-vjeçari Leonard Bami

Policia e Durrësit ka identifikuar mjetin dhe autori që aksidentoi mbrëmjen e djeshme një shtetas me motor, me pasojë vdekje.

Specialistët për Krimet në Komisariatin e Policisë Krujë, pas një pune hetimore të shpejtë kanë bërë të mundur identifkimin e mjetit dhe arrestimin e autorit, i cili aksidentoi mbrëmjen e djeshme një shtetas që udhëtonte me motor.

U arrestua në flagrancë shtetasi Haxhi Kullaj 18 vjeç, banues në fshatin Arrameras, Fushë- Krujë.

Kullaj, më datë 09.08.2017 rreth orës 22:00, në rrugën Fushë Krujë -Kamëz, në fshatin Larushk, duke drejtuar mjetin tip Volzvagen,ka goditur motorriçikletën tip Kavasaki, me drejtues shtetasin I.B. 23 vjeç, banues në Borizanë, i cili ndërroi jetë në spital.

Kullaj, nuk ishte i pajisur me leje drejtimi dhe pasi shkaktoi aksidentin është larguar nga vendi i ngjarjes.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale” Shkelja e rregullave të qarkullimit rrugor”, ” Drejtimi I automjeteve në mënyrë të parregullt” dhe” Largimi nga vendi I aksidentit” parashikuar në nenet 290, 291 dhe 273 të Kodit Penal.