Një shqiptar është arrestuar nga policia italiane, pasi u kap me 14 kg heroinë, si dhe një sasi eurosh. Ai u arrestua të shtunën pas një operacioni të policisë në Bollate, provincë e Milanos.
Mediat italiane shkruajnë se sasia e drogës u gjet në dy apartamente që ishin në përdorim nga shqiptari, identiteti i të cilit nuk dihet.
Gjatë aksionit u sekuestruan 9 mijë euro para chash, një makineri që numëron parasi dhe një makineri për ngjeshjen e drogës.
Gjithashtu u sekuestruan 8 celularë si dhe materiale për paketimin e drogës dhe shënime që lidhen me aktivitetin e paligjshëm të trafikimit.
Ndërkohë shqiptari për të humbur gjurmët nga aktiviteti kriminal punonte si kuzhinier në një restorant.
(S.SH/Shuplaka)
