Arrestohet autori i dyshuar i plagosjes tek gjimnazi “Partizani”

Është arrestuar Mikalar.T. 31- vjeç i cili banon në Tiranë, si autor i dyshuar i plagosjes së mbrëmshme tek gjimnazi “Partizani”.

Mbrëmjen e djeshme qëlloi me armë zjarri drejt Mishel Prelës, 26 vjeç i cili njihej dhe si Mishel Manoku.

“Arrestimi i këtij shtetasi u bë pasi më datë 20.07.2017 rrugën “4 Dëshmorët”, dyshohet të ketë plagosur me armë zjarri shtetasin M. P., 31 vjeç, në pjesën e barkut dhe gjymtyrë i cili aktualisht ndodhet në spital nën kujdesin e mjekëve”njofton policia.

Drejt Prelës është qëlluar 8 herë duke i shkaktuar plagë në bark dhe gjymtyrë.

Sipas Policisë materialet janë referuar në Prokurori në ngarkim të shtetasit M.T, sipas policisë.

“U referuan materialet në Prokurori në ngarkim të shtetasit M.T., për veprën penale “Vrasje me paramendim e mbetur në tentativë” dhe “Armëmbajtje pa leje” parashikuar nga neni 78/22/25 dhe 279 të Kodit Penal.

Grupit hetimor po punon për identifikimin dhe kapjen e autorëve të tjerë të mundshëm të përfshirë në këtë ngjarje”njofton policia. (B.H/Shuplaka)