Policia shkon me urgjencë ta arrestojë, e gjen në gjendje të dehur

Një punonjës policie u arrestua në flagrancë pasi është ndaluar teksa drejtonte mjetin tip “Benz” në gjendje të dehur. Bëhet fjalë për 46-vjeçarin Besnik Gurishta, punonjës i Policisë së Kufirit në Shkodër. Sipas policisë arrestimi i tij është bërë mbrëmjen e djeshme në orën 21:30 në Stacionin e Pikës Kufitare PKK Muriqan.

Mbi 46-vjeçarin rëndon akuza “ Drejtim mjeti në mënyrë të parregullt, në gjendje të dehur”. Policia sqaron se në orën 18:45 mjeti “ Benz” me targë AA979GN në degëzimin e rrugës së fshatit Velinaj në segmentin rrugor Shkodër-Murriqan është përplasur me një mjet tjetër, me pasoja materiale. Gurishta kishte përdorur pije alkolike në masën 0.97mg/l-1.04mg/l. Materialet i kaluan prokurorisë të rrethit Shkodër.