Arrestohet në Kosovë ushtari i UÇK, ja akuzat

Drejtoria për Hetimin e Krimeve Ekonomike dhe Korrupsion në Kosovë ka zhvilluar një operacion policor në disa zona.

Një peracion i tillë është kryer edhe në lagjen “Marigona” në Prishtinë ku janë arrestuar Ismet Osmani, i njohur si “Curri” i cili është pronar i disa kazinove në Kosovë, Ilir Bojku dhe Mentor Maqani.

Mësohet se është kapur po ashtu sot edhe ish-ushtari i UÇK-së, Rrahim Hashimi i dyshuar si një nga bashkëpunëtorët e ngushtë të Ismet Osmanit, të njohur në opinion me nofkën Curri, që qëndron prapa disa kazioneve të njohura në Kosovë.

Rrahim Hashimi u ndalua nga Policia e Kosovës nën dyshimet për fajde, është i njohur mirë nga drejtësia vendore. Biznesmeni që po akuzohet për kërkim të 100 mijë eurove për ta mbyllur një hetim në polici, publikon shumë shpesh edhe fotografi e statuse nga ku shpreh simpatinë për Izraelin. Ai madje kishe synuar që ta merrte drejtimin e Partisë Demokratike të Kosovës. I njejti është intervistuar nga Gjykata Speciale për tre ditë rrjesht.

Dy vite më parë, Rrahim Hashimi u arrestua nën dyshimet se kishte marrë 100 mijë euro për të zgjidhur një lëndë e cila po hetohej nga krimet ekonomike në Policinë e Kosovës.

Sipas pretendimeve të Prokurorisë, i pandehuri nga familjarët e të dëmtuarve kishte marrë fillimisht 50 mijë euro, ndërkaq falë këtij ryshfeti të dëmtuarit kanë përfituar masa më të lehta të sigurisë. Tutje, prokuroria pretendon se për të vazhduar tutje me ndihmën rreth procedurës, të dëmtuarve u kërkuan edhe 50 mijë euro të tjera. Këtë e kanë bërë të ditur burime të Gazetës Express brenda hetuesisë.

Gjithashtu mësohet se arrestimi ka ndodhur në Vushtrri, pak minuta më parë.