Martin Prendi ishte në kërkim ndërkombëtar për trafikim të lëndëve narkotike.
Prendi është arrestuar ditën e sotme nga autoritetet shqiptare për llogari të drejtësisë italiane dhe mësohet se ai është tregtar. Ai ishte dënuar me 13 vite burg në 2013 nga drejtësia Italiane me akuzën e pjesmarrjes në organizatë kriminale dhe trafikim droge. Dënimi i tij është bërë në mungesë pasi shqiptari ka mundur ti shpëtojë arrestimit, duke u fshehur në Shqipëri, vend në të cilin ka hapur dhe biznes, një Bar-Kafe.
Aktiviteti kriminal i Prendit është dokumentuar nga prokuroria dhe policia italiane në vitin 2006. Ndërsa vendimi i formës së prerë për dënimin e Prendit me 13 vite burg ka hyrë në fuqi në vitin 2012.
Ditën e sotme Prendi është njohur me akuzën ndërsa është caktuar masa prej 40 ditësh burg deri sa autoritetet italiane të paraqesin kërkesën e ekstradimit.
Discussion about this post