Arrestohet nën-komisari, kush është 32-vjeçari që u kap nga SHÇBA-ja për korrupsion

SHÇBA-ja ka arrestuar një oficer të pikës kufitare në Qafë-Thanë, pasi dyshohet se lejonte kalimin e shtetasve që nuk mund të kalonin dot në Maqedoni.

SHÇBA në bashkëpunim me Prokurorinë e Rrethit Gjyqësor Pogradec,  e hetonte me metoda speciale efektivin prej 3 muajsh. 

I arrestuari është nënkomisari Ardian Hoxha, 32 vjeç, me detyrë Përgjegjës Turni, në PKKK Qafë Thanë.

Kundrejt pagesave, dyshohet se Hoxha lejonte kalimin e shtetasve të ndryshëm, që nuk mund të udhëtonin në drejtim të Maqedonisë dhe zonës Shengen, njofton Policia.

(F.G/Faxweb)