Policia franceze ka arrestuar ditën e sotme kryetarin e Aleancës për Ardhmërinë e Kosovës, njëkohësisht ish-kryeministrin Ramush Haradinaj.
Ai është arrestuar në bazë të urdhërarresti ndërkombëtar të lëshuar nga Serbia.
Ndërkohë, autoritetet franceze kanë njoftuar ato kosovare për arrestimin e tij, lajm që konfirmohet edhe nga familjarë të Haradinajt në Prishtinë.
Në qershor të vitit 2015 Haradinaj ishte ndaluar edhe nga autoritetet sllovene, por më pas u la i lirë.
Haradinaj u arrestua në aeroportin e Lubjanës së Sllovenisë në bazë të urdhër-arrestit të Serbi-Mali i Zi, lëshuar në vitin 2004. Aktualisht Serbia dhe Mali i Zi janë ndarë nga njëra-tjetra. (A.R/SHUPLAKA)
Discussion about this post