Arrestohet një ditë para Vitit të Ri, vodhi makinën për të vjedhur më pas mish

Teksa orët që na ndajnë nga ndërrimi i viteve pakësohen, një qytetar në Vlorë është vënë në prangat e policisë. Shkak është kryer një vjedhje që ai ka kryer rreth orës 03:03 të mëngjesit të sotëm në dyqanin e shtetasit A.G., në lagjen “Hajro Çakërri”, Vlorë.

Është vënë në pranga Erjon Janka 39 vjeç, i cili akuzohet se ka vjedhur një sasi mishi nga dyqani. Sipas policisë, ai e kishte futur sasinë e mishit në një automjet “Fiat Punto”, gjithashtu të vjedhur disa minuta përpara vjedhjes së produktit ushqimor.

Materialet në ngarkim të këtij shtetasi iu referuan Prokurorisë për veprën penale “Vjedhje, kryer më shumë se një herë”. (XH.A/SHUPLAKA)