Akuzat për dhunën që ushtronte ndaj fëmijëve, ka çuar në pranga një 30-vjeçare në Tiranë, me profesion edukatore kopështi.
E identifikuar si Denida Rexhepi, edukatore në një prej kopështeve të kryeqytetit, ajo është arrestuar për dhunën që ushtronte ndaj vogëlushëve nën akuzën për “Keqtrajtim të miturish”.
Mësohet se arrestimi i saj është kryer pas kallëzimit të dy prindërve të fëmijëve në Policinë e Tiranës. Konkretisht, ditën e diel, dy shtetase janë paraqitur në polici përtë denoncuar dhunën që edukatorja e kopshtit ka ushtruar dhunë ndaj fëmijëve në datat 30 dhe 31 maj në kopështin që ndodhet në rrugën “Nikolla Lena”.
Burime të policisë bëjnë të ditur se janë sekuestruar kamerat e sigurisë në kuadër të procesit hetimor.
Detaje të policisë:
Ushtron dhunë ndaj fëmijëve të mitur në kopësht. Në pranga edukatoria e kopështit.
Më datë 04.06.2017, Specialistët e Komisariatit të Policisë Nr 2, kanë arrestuar shtetasen: – D. R., 30 vjeçe, banuese në Tiranë, me profesion edukatore kopështi.
Kjo shtetase është arrestuar sepse me datë 04.06.2017, në ambientet e Komisariatit të Policisë Nr 2, janë paraqitur shtetaset J. B. dhe M. L., të cilat kanë bërë kallzim duke pretenduar se më datë 30.05.2017 dhe 31.05.2017, shtetasia D.R, duke kryer detyrën e saj si edukatore pranë një kopështi privat në rrugën “Nikolla Lena”, ka ushtruar dhunë fizike ndaj fëmijëve të tyre të mitur në këtë kopësht.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Keqtrajtimi i të miturit”, parashikuar nga Neni 124/b i Kodit Penal.
(XH.A/SHUPLAKA)
Discussion about this post