Në Arabinë Saudite janë arrestuar princa si edhe ministra. Mbrëmë Arabia Saudite ka njoftuar arrestimin e investitorit të shquar miliarder, Princin Alwaleed bin Talal, i cili vizitoi në gusht vendin tonë, ku u takua me kryeministin Rama dhe ministrin e Jashtem, Bushati. Ai mbërrti në vendin tonë me një jaht tepër luksoz dhe shfaqi interes për të investuar në vendin tonë.
Diskutimet mes tyre u përqëndruan në investimet e mundshme në fushën e turizmit, industrisë dhe infrastukturës.
Njoftimi i arrestimeve është bërë nga Al Arabiya, rrjetin satelitor në pronësi të Arabisë Saudite raporton New York Times. “Al Arabiya” tha se komiteti i antikorrupsionit ka të drejtën të hetojë, arrestojë, ndalojë udhëtimet, ose të ngrerë pasuritë e kujtdo që e konsideron të korruptuar, ashtu si edhe ndaj Princin Alwaleed bin Talal.
Ky arrestim sipas New York Times do të dërgojë valë tronditëse në qendrat e mëdha financiare në botë pasi kontrollon firmën e investimeve Kingdom Holding dhe është një nga burrat më të pasur në botë, që zotëron ose ka aksione të mëdha në News Corp, Citigroup, Twitter dhe shumë kompani të tjera të mirënjohura. Princi gjithashtu kontrollon rrjetet televizive satelitore të shikuara në të gjithë botën arabe.(J.V/Shuplaka)
Discussion about this post