Policia e Tiranës ka vënë nën pranga “tmerrin” e autobuzëve të kryeqytetit.
33-vjeçari u kap duke vjedhur në një autobus në kryeqytet.
Ervis Tako nga Durrësi, u arrestua një ditë më parë tek ish-stacioni i trenit si pjesë e operacionit policor “Fundviti”.
Tako akuzohet se i ka vjedhur një tjetër personi me iniciale A. M, një vlerë monetare prej 40.000 lekësh.
Kjo nuk është hera e parë që Tako ndalohet për vjedhje.
Policia bën me dije se i riu është autor i këtyre ngjarjeve gjithashtu:
-Më datë 31.05.2016, në rrugën “Asim Vokshi”, në autobuzin urban të linjës së Tiranës së Re, shtetasit G. T., i ka vjedhur, vlerën monetare prej 95.000 lekësh
-Më datë 15.07.2016, pranë ish stacionit të trenit, në autobuzin e linjës së Unazës, shtetases Amerikane B. P. C., i ka vjedhur portofolin me një shumë monetare prej 10.000 lekë dhe dokumenta.
-Më datë 10.08.2016, tek ish stacioni i trenit, në autobuzin e linjës së Unazës, shtetases E. M., i ka vjedhur vlerën monetare prej 80.000 mijë lekë dhe 130 euro.
Policia bën me dije se këtë aktivitet, Tako e kryente kryesisht në urban, tek ish-stacioni i trenit.(D.D/Shuplaka)
