Arrestohet vrasësi i dyshuar i biznesmenit vlonjat, ato ç’ka iu gjetën ia vështirësojnë alibitë (Detajet)

Pasi u bë i mundur identifikimi i tyre nga ana e Policisë së Vlorës, është arrestuar një prej vrasësve të dyshuar të biznesmenit Vasil Dervishaj.

Vrasja ndodhi tre netë më parë në qytetin e Vlorës, ndërsa dy vrasësit e dyshuar ishin shpallur në kërkim nga ana e policisë. Nga ana tjetër ditën e djeshme u arrestuan dy bashkëpunëtorët e tyre në krim.

Shtetasit A.C, 28 vjeç i janë gjetur 1 automjet tip “Audi” me targa AA830RA, dhe 1 palë targa të tjera (italiane) AH63435, (dyshohen se janë përdorur në momentin e kryerjes së krimit),1 xhup dhe 1 kapuç.

Detajet:

Strukturat Policore të Seksionit Kundër Krimeve ndaj Personit në DVP.Vlorë, kanë bërë zbatimin e Urdhërit të Prokurorisë së Rrethit Gjyqësor Vlorë, për ndalimin e shtetasit:

A.C., 28 vjeç, banues në Vlorë.

Janë sekuestruar në cilësinë e provës materiale:

1 automjet tip “Audi” me targa AA830RA, dhe 1 palë targa të tjera (italiane) AH63435, (dyshohen se janë përdorur në momentin e kryerjes së krimit),

1 xhup dhe 1 kapuç.

Vijon puna për kapjen dhe ndalimin e autorit tjetër të kësaj ngjarje.

Materialet hetimore iu referuan Prokurorisë së Rrethit Gjyqësor Vlorë, për veprën penale “Vrasje me paramendim, kryer në bashkëpunim” dhe “ Mbajtja pa leje e armëve luftarake dhe municionit”, parashikuar nga neni 78 e 25 dhe 278 të Kodit Penal.

(E.K/FAXWEB.AL)