Nga çadra e opozitës, ish-kryeministri Berisha akuzoi kreun e Qeverisë për favorizimin që i ka bërë kryetarit të Bashkisë së Poliçanit, Adriatik Zotkajt, i cili i ka 170 mijë dollarë detyrime Operatorit të Shpërndarjes së Energjisë Elektrike.
“Po lexoja se si firma e një trafikanti ka detyrime KESH-i të papaguara 170 mijë dollarë. “Në vitin 2015” thotë policia “arrestuam 22 mijë shqiptarë se nuk kishin paguar faturat e energjisë. Lanë të vdisnin në të ftohtë, arrestuan ata që kishin bërë lidhje për të shpëtuar nga ngrica.”, u shpreh ndër të tjera Berisha.
Bëhet fjalë për kompaninë “Perla e Tomorrit”, e cila rezulton me 18 milionë detyrime të papaguara në OSHEE, afro 170 mijë dollarë. Nga një investigim i kryer nga “Hashtag.al” rezulton se në këtë kompani është aksioner kryetari i Bashkisë së Poliçanit, Adriatik Zotkaj.
Nga preventivët e siguruar, rezulton se kjo kompani ka të paktën 3 vite që nuk kryen pagesat e energjisë elektrike. Në këtë periudhë përfshihet edhe intervali kohor 2014-2015, kohë kur qeveria ndërmori një aksion total në vend për likujdimin e detyrimeve.
(XH.A/SHUPLAKA)
Discussion about this post