Sot rreth orës 3 të mëngjesit është arritur armëpushimi në Siri. Lajmin e kanë bërë të ditur forcat rebele të opozitës, të cilët kanë deklaruar se sot do të rifillojë edhe evakuimi i civilëve nga Aleppo. Tashmë lajmi është konfirmuar edhe nga burime qeveritare.
Nuk dihet nëse kjo marrëveshje do të jetë e qëndrueshme, pasi edhe më parë ka pasur njoftime të tilla për armëpushim, i cili nuk është respektuar.
Në këto territore mbeten ende 50.000 civil dhe OKB-ja është shprehur se Siria dhe aleatët e tjerë të saj, me shumë mundësi gjatë sulmeve të bëra në këtë zonë ka shkelur disa ligje ndërkombëtare.
Pamjet të cilat janë transmetuar në media janë shumë të trishta, ku bombardimet nuk kanë kursyer as fëmijët. Pamje të përgjakura, të gjymtuar, kjo është pak për të paraqitur situatën në Siri.
Discussion about this post