Tifozët e Arsenalit e fajësojnë aksionerin kryesor të klubit, amerikanin Stan Kroenke për dështimin e skuadrës të kualifikohet për edicionin e ardhshëm të Ligës së Kampionëve.
Kohë më parë tifozët kërkonin largimin e trajnerit Arsene Wenger, pordeklarimi i aksionerit të dytë më të madh të klubit, uzbekut Usmanov, se aksionari kryesor i kishte bllokuar investimet në lojtarë të shtrenjtë duket se ka ndryshuar fajtorin në sytë e tifozëve.
“Kroenke largohu prej klubit”, ishte mesazh që u shfaq nga disa grupe të tifozëve në ndeshjen e fundit në Premierligë kundër Evertonit.
Arsenali mbeti jashtë Ligës së Kampionëve me vetëm një pikë më pak se Liverpooli. Edhe pse synon majat e Premier League, lojtarët më të shtrenjtë që bleu Arsenali verën e kaluar ishin dy shqiptarët Shkodran Mustafi e Granit Xhaka që kushtuan rreth 40 milionë euro secili.
