Më 21 janar do të zhvillohet testimi i mësuesve që do të punoësohen në sistemin arsimor parauniversitar. Provimi do të zhvillohet përgjatë orarit 10:00-12:30 në mjediset e planifikuara nga drejtoritë arsimore rajonale.
Në këtë testim kanë të drejtë të marrin pjesë kandidatët që janë pranuar në fazën e parë të konkurrimit nëpërmjet vlerësimit të dosjes dhe kandidatët që kanë marrë pjesë në testime paraardhëse “Mësues për Shqipërinë” dhe dëshirojnë të përmirësojnë rezultatin e tyre”.
5100 kandidatët që janë kualifikuar në konkurrimin me dosje do t’i nënshtrohen testimit “Mësues për Shqipërinë” dhe pas testimit, do të hartohet lista e kandidatëve për çdo profil/lëndë dhe liston kandidatët sipas pikëve të grumbulluara në testim.
Me pikët e grumbulluara nga dosja përpilohet një listë përfundimtare e pikëve të fituara dhe më pas kandidati përzgjidhet për vendin e punës sipas pikëve që ka arritur të marrë.
Kandidati përjashtohet në rast se këshilli i prindërve apo komisioni psiko-social nuk bëjnë vlerësim pozitiv për periudhën njëvjeçare të proves apo kur kandidatët refuzojnë më shumë se tri vende pune të lira. (XH.A/SHUPLAKA)
