Sindikata e Pavarur e Arsimit të Shqipërisë dhe Ministria e Arsimit kanë rënë parimisht dakord për shpërblimet e fundvitit për mësuesit. Pritet që dakordësimi i arritur të diskutohet ditën e sotme në mbledhjen e Qeverisë.
Për të plotësuar kërkesën e tyre, duke iu dhënë shpërblimin prej 10 mijë lekësh për rreth 35 mijë arsimtarë, nevojitet minimalisht një fond prej 350 milionë lekësh.
Lajmi u bë me dije nga vetë arsimtarët e SPASH, të cilët shprehen se janë në pritje të vendimit që do të merret ditën e sotme.
NJOFTIM I SPASH
Në vijim të bisedimeve për zgjidhjen e dhënies së shpërblimit të fundvitit, sot përfaqësuesit e SPASH/FSASH dhe specialistët e MAS zhvilluan bisedime me Drejtoreshën e Përgjthshme të Buxhetit në Ministrinë e Financave. Palët ranë dakord për dhënien e shpërblimit dhe drejtoresha do t’i dërgojë një memo Ministrit të Financave për ta diskutuar nesër në mbledhjen e Qeverisë.
Jemi në pritje të vendimit që do të merret nesër për zgjidhjen e kërkesës sonë.
(XH.A/SHUPLAKA)
