Klubi i “Skënderbeut” duket se ka probleme me pagat. Kjo është bërë arsye që futbollistët të braktisin stërvitjen ditën e sotme dhe të mos dalin fare në fushë.
Prej disa ditësh futbollistët e kishin ngritur si shqetësim vonesën e pagës për disa muaj dhe madje i kishin dhënë edhe ultimatum klubit që të sqarojë se çfarë do të ndodhë. Por duke qenë se askush nuk ju përgjigj, futbollistët sot të revoltuar lanë fushën.
Vendimin ata ja bënë të ditur edhe trajnerit Daja dhe pak minuta më vonë dolën nga dera e stadiumit. Pavarësisht të gjithë situatës së krijuar, nuk ka ende një reagim zyrtar nga “Skënderbeu”.
(M. I./ Faxweb.al)
Discussion about this post