Aksioni i Policisë së Beratit këtë të enjte ka vënë në pranga një 31-vjeçar, i cili po drejtonte automjetin në gjendje të dehur. Ai është kapur nga patrullat e policisë dhe pas testit të alkoolit, u vu në pranga.
“Berat më datë 09.01.2020, u bë arrestimi në flagrancë i shtetasit P. Xh, 31 vjeç, banues në Berat. Arrestimi i shtetasit të mësipërm u bë arsye , se është kapur nga ana e patrullës së policisëe rrugore, konkretisht në hyrje të Lagjes “Uznovë” duke drejtuar mjetin tip Volzvagen me targa BR2395B, në gjendje të dehur. Materialet iu referuan Prokurorisë së Rrethit Gjyqësor Berat, për veprën penale “Drejtim mjeti në mënyrë të parregullt”. Neni 291 të Kodit Penal”, njoftoi policia.
Po këtë të enjte, në prokurori ka përfunduar edhe një 44-vjeçar, i cili akuzohet se ka dëmtuar zonat e mbrojtura mjedisore në Malin e Tomorit.
“Skrapar më datë 08.01.2020, nga ana e Strukturave të Drejtorisë Vendore të Policisë Bera, në bashkëpunim me Strukturat e Komisariatit të Policisë Skrapar, në kuadër të operacionit “Të luftës kundër shkatërrimit dhe mbrojtjes së Malit të Tomorit”, u rerferuan materialet pranë Prokurorisës së Rethit Gjyqësor Berat, për shtetasin I.L,44 vjeç banues në Poliçan, pasi është kapur nga ana e forcave policore me 3 mjete kamjon, me targa AA235OP, SK1872A, AA863KV, të ngarkuara me gurë dekorativë.
Materialet iu referuan Prokurorisë së Rrethit Gjyqësor Berat, për veprën penale”Dëmtimi i habitateve në zonat e mbrojtura mjedisore” të parashikuar nga neni 202/b të K.Penal”, thuhet në njoftimin e policisë.
