Viola Spiro tashmë e ka konsoliduar prej shtatë vitesh imazhin e saj në ekran. Nga një velinë në ‘’Fiks fare” ku ajo performonte së bashku me motrën e saj Petrulën, tashmë ajo drejton një emision të sajin sportin në TVSH.
Duhet thënë se ajo ka qenë përherë në vëmendje të mediave për shkak të lidhjes së saj disa vjeçare me ish- banorin e Big Brother, Arjon Muçën.
E ftuar në “Thumb”, Viola me shumë sinqeritet është shprehur se nuk vijon të jetë mike me Arjonin, por ka treguar se, nga lidhja me të, ajo ka mësuar shumë gjëra, sikurse shpreson që të ketë ndodhur e njëjta gjë dhe me ish-të dashurin e saj.
“Jo, nuk jam penduar. Kam mësuar shumë nga ajo lidhje që zgjati 4 vite, shpresoj që edhe ai nga mua. Tani nuk jemi miq.“,- u shpreh Viola.
E lëmë pas këtë histori, ashtu sikurse edhe ajo dhe të flasim për të tashmen. E pyetur se përse nuk publikon asnjëherë foto ku ai shfaqet me fytyrë, moderatorja sportive u shpreh se nuk ka dashur pasi ai nuk është një personazh publik, por edhe për faktin se është paksa xheloze.
“Se ende nuk e kam burrë. Nuk ia kam nxjerrë fytyrën, se nuk është personazh publik. Plus i shton dhe ato like dhe kërkesat e gocave dhe nuk dua këtë gjë. Po, jam xheloze”, tregon duke qeshur Viola.
(E.K/SHUPLAKA)
