Dy javë pas zgjedhjeve parlamentare, akademiku i njohur Artan Fuga shprehet se është dakord me qëndrimin e Ambasadës Amerikane lidhur me procesin e votimit.
Qëndrimi i Ambasadës është se pavarësisht se kishte presione gjatë procesit, rezultati i zgjedhjeve nuk është ndikuar.
“Absolutisht i sakte dhe i drejte konstatimi zyrtar amerikan i Ambasades te ShBA ne Tirane se ne zgjedhje pati shkelje serioze, por ato nuk e ndikuan rezultatin e tyre. (Humbje – Fitore).
Absolutisht i sakte.
Mjafton te kesh nje formim mesatar ne nje shkolle te vertete shkencash politike, jo nga ato qe shplajne trute e nxenesve te shkrete me uje Lane, per ta pranuar kete gjetje.
Arsyet e humbjes katastrofike te opozites te partise demokratike jane krejt te tjera.
Nuk jane ato qe na serviren ne kallaballikut!
Por, sa te kuptohet kjo, do te vijne zgjedhjet e tjera”, shkruan Fuga.
Ky reagim i Fugës vjen në një kohë kur jemi tëp rag të zgjedhjeve për kryetarin e Partisë Demokratike, e cila pësoi një humbje të thellë në këto zgjedhje.
DEKLARATA E AMBASADËS AMERIKANE:
Shtetet e Bashkuara urojnë qytetarët shqiptarë për ushtrimin e të drejtës së tyre demokratike të votës në zgjedhjet parlamentare të 25 qershorit, 2017. Votimi u krye me efikasitet dhe në mënyrë paqësore në pjesën më të madhe të Qendrave të Votimit.
Ne përgëzojmë punonjësit dhe vëzhguesit e përkushtuar të zgjedhjeve së ditës së votimit, të cilët punuan gjatë një dite feste kombëtare dhe të nxehti ekstrem, për të përmbushur detyrat e tyre.
Vëzhguesit ndërkombëtarë dëshmuan incidente të blerjes së votës, fotografimit të fletës së votimit, dhe presoni ndaj votuesve. Zyrtarët e zgjedhjeve dhe forcat e rendit iu përgjigjën pjesës më të madhe të këtyre ankesave, disa prej të cilave përfunduan në arrestime.
Edhe pse disa nga shkeljet zgjedhore të dëshmuara ishin serioze dhe duhen adresuar, ato nuk ishin aq të përhapura sa të ndryshonin rezultatin e përgjithshëm të zgjedhjeve. (D.D/Shuplaka)
