Sipas një studimi të fundit duhani nuk duhet të pihet asnjëherë në ambjentet e shtëpisë.
Kjo sepse lëndët kanceroze mbeten në gjithë ambjentin për më shumë se 6 muaj. Qoftë në mure, divane dhe tapete.
Gjithashtu pirja e duhanit në shtëpi dëmton edhe personat e tjerë të shtëpisë, edhe pse mund të jenë jo duhanpirës.
“Është e rëndësishme të dihet se si lëndët e dëmshme të duhanit qëndrojnë në shtëpi dhe se si janë të ekspozuar personat që jetojnë në atë shtëpi ndaj lëndëve toksike” tha Georg Matt, drejtuesi i studimit dhe njëkohësisht profesor psikologjie pranë universitetit San Diego.
Ai gjithashtu tha se lënia e duhanit është gjëja më e rëndësishme që duhet bërë për të përmirësuar shëndetin.Nëse kjo gjë është e vështirë për duhanpirësit, të paktën hiqni dorë nga pirja e tij në ambientet e shtëpisë ose ambiente të mbyllura pasi dëmi që i shkaktoni vetes dhe të tjerëve rreth jush është shumë i madh.
Sipas profesor Matt, fakti që ambjenti nuk pastrohet plotësisht nga duhani njerëzit që përpiqen ta lënë do e kenë më të vështirë sepse aroma ndodhet ende kudo dhe tundimi është i madh për ta rifilluar.
