Ai është bërë një nga parukjerët më të dashur për publikun. Por ajo që tërheq shumë është edhe pamja e tij e jashtme. Një djalë me mjekër dhe flokë të çuditshëm por shumë i famshëm edhe në rrjetet sociale, kryesisht edhe për meshkujt, pasi ai stilon flokët e tyre.
Fjalën e kemi për Xhimin, ashtu edhe siç shihet në këto foto i ka flokët ngjyrë gri. Në të njëjtën ngjyrë ka edhe mjekrën të cilën e mban vazhdimisht të stiluar dhe kuruar. Madje këtë stil e ka përcjellë edhe te të rinjtë shqiptarë.
Për gazetën “Dita” ai ka treguar se se në sallonin e tij ” gjatë gjithë ditës këtu, nuk pushon një sekondë”. Vetëm kur ishte 12 vjeç ai është larguar nga Skrapari në Greqi. “Kam lindur në Skrapar. Deri në moshën 12 vjeç kam jetuar atje kur edhe jam larguar për në Greqi. Isha shumë i vogël, por së bashku me një kushëririn tim i cili ishte pak më i madh se sa unë në ’93 morëm malet dhe ikëm në Greqi. Ishim të vegjël, por të guximshëm. Pas përfundimit të shkollës, në ’98 emigrova drejtë Kretës ku aty jetova dhe punova për 14 vite deri sa u ktheva në Shqipëri në 2012”.
Më tej ai tregon se Greqia ka qenë një shkollë e jashtëzakonshme për të. Jo vetëm se i mësoi këtë profesion, por edhe për kulturën e punës që mori në vendin ku emigroi.
“Nuk kam patur asnjë lloj problemi në Greqi. Nuk e kam ndjerë fare racizmin. Në sallonin ku punoja vendosja muzikë shqip dhe grekët e dëgjonin me kënaqësi. Jam ndjerë shumë mirë me ta, por edhe ata me mua. Kam bërë punën time dhe jam ndjerë i respektuar për këtë gjë”, tregon Xhimi.
Por vetëm pas 20 vitesh Xhimi do të largohej nga Greqia, shkak u dashuria. Dashurinë e tij e njohu në një dasmë. Me Klodianën kanë të njëjtën profesion dhe ia dinë shijet njëri-tjetrit. Ata tashmë janë duke treguuar profesionalizim në stilimin e flokëve në vendin e tyre. (J.V/Shuplaka)
[ngg_images source=”galleries” container_ids=”2229″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
