Deputetja e Partisë Socialiste, Arta Dade, e pyetur se ç’mendon për postin e Presidencës, është shprehur për “Tonight me Ilva Taren” se do ta mirëpriste një Presidente grua dhe nuk do ta refuzonte postin nëse do të propozohej.
“Do ta mirëprisja që një grua të ishte në krye të shtetit sepse nuk i mungojnë Shqipërisë gra me personalitet që nuk bëjnë kompromise dhe që ngrihen mbi interesa partiake por nuk është një gjë e dhënë dhe tani duhet të rendim të gjejmë një grua. Unë do të parapëlqeja që të ishte një përfaqësues nga PS. Nëse mua më vjen propozimi nuk do të isha refuzuese nëse mendohet që mund të jem edhe për këtë detyrë.”, është shprehur ajo.
E pyetur për koalicionin e PS-së me LSI-në, deputetja u shpreh se koalicioni ka funksionuar, ndaj duhet të vazhdojë. Sipas saj, PDIU nuk ka qenë në fushatën elektorale të vitit 2013 me Partinë Socialiste dhe kjo forcë kërkon pushtet për të konsoliduar partinë. (XH.A/SHUPLAKA)
Discussion about this post