Filozofi akademik Artan Fuga tregon me detaje një situatë pritjeje në sportel, teksa miqtë e ministrit futen pa radhë. I gjendur në këtë situatë Fuga bën një refleksion, duke e ndarë me të gjithë. Sigurisht që profesori nuk e tregon ministrinë ku po priste. A bëhet fjalë për ministren e Kulturës, apo të Arsimit? Apo për ndonjë ministër tjetër të qeverisë Rama?
”Refleksione duke mbajt rradhën përpara një sporteli, ku miqtë e ministrit ose ministreshës sigurisht hyjnë pa rradhë.”, shkruan Fuga.
MESAZHI I PROFESORIT:
”Aksiomë
Një ministër nuk mund të jetë kurrë budalla!
Kjo është e vërtetë edhe për një ministreshë, madje më shumë.
Sepse edhe poqese ai ose ajo është budalla, është zgjuarësi e madhe që budallai të bëhet ministër dhe ne ta durojmë pa fund.
Pra, një ministër nuk mund të jetë kurrë budalla, veç në u bëftë budalla pasi ka marrë postin e tij.
Kjo është e vërtetë edhe për një ministreshë, madje më shumë për të.
Por, poqese bëhet budalla pasi ka marrë postin ne nuk e dallojmë dot më se ai është budalla.
Nuk arrijmë dot ta dimë se ai ishte badalla në vetvete apo flet budallallëqe për shkak të karriges.”
Pra, me aksiomë, një ministër ose ministreshë nuk mund të jenë kurrë budallenj.
Discussion about this post