Gazetari Artan Hoxha ka zbuluar detaje të reja në lidhje me operacionin e Policisë së Shtetit në Elbasan, ku pak orë më parë u ekzekutua 71-vjeçari, Lefter Zhidru.
Hoxha u shpreh se i moshuari u qëllua me një plumb në kokë nga një prej snajperave që kishte fushëpamje nga ballkoni.
“I hodhën gaz nervor, ka marrë një peshqir me ujë dhe e ka vendosur në fytyrë. Mbas derës kishte vendosur një lavatriçe. Nëse goditej nga jashtë lavatriçja do ta mbronte. RENEAT negociuan në afërsi, tentuan të godasin derën me idenë që do “po hyjmë”. Ai reagoi dhe qëlloi.
Ai është goditur me një plumb të vetëm në kokë me snajper. Trupa vetë nuk ka reaguar. Nuk e dinin nëse ka vdekur apo jo. Kanë futur qenin para, dhe mbasi qeni ka dalë, janë futur trupat brenda dhe kanë parë municionet. Po kishte njohur ushtarake, edhe djalin nga martesa e parë e ka pasur ushtarak,”-u shpreh Hoxha.
Discussion about this post