Artan Hoxha: Katër kandidatë të dyshimtë në listat e PDIU, Prokuroria ka nisur hetimet

Gazetari investigativ Artan Hoxha, i ftuar në emisionin “Të Paekspozuarit” të gazetarit Ylli Rakipi, ka deklaruar se në listat e PDIU, janë katër kandidatë të dyshimtë, për të cilët Prokuroria ka nisur hetimet.

“Prokuroria ka nisur një hetim ndaj 4 kandidatëve të listuar nga PDIU. Prokuroria ka kërkuar informacione për ta. Prokuroria ka kërkuar nga Interpoli , biznesmeni Sait Fishta, i pari në listën e Shkodrës, edhe për Robert Bano, kanditat në Tiranë, Fatos Hoxha në qarkun e Kukësit është tërhequr, dhe nuk ka pranuar ta vazhdojë garë, tjetri Shkëlqim Murati po i kësaj partie në Fier.

Prokuroria heton edhe emrat të partive të tjera. Fenomen tjetër, nuk kemi persona me ngarkesa të rënda penale, por është gjetur element tjetër, dhe kemi thënë që po tentohet të futen të afërm të rrethit familjar të personave që përfaqësojë pozicione të rëndësishme në botën e krimit,” tha Hoxha. (D.D/Shuplaka)