Edhe njëherë tjetër, gazetari i njohur investigativ Artan Hoxha, zbulon detaje të reja mbi çështjen e shuumëtëkërkuarit Klement Balili, i cili deri më tani i ka shpëtuar 8 operacioneve policore.
Sipas Hoxhës, organizata kriminale e drejtuar nga Balili e ka bazë në qytetin e Fierit.
“Organizata e financuar nga Klement Balili ka një bazë të vetën në qytetin e Fierit dhe zotërojnë kryesisht linjën e trafikut të drogave të forta që vijnë nga vendet e Amerikës Latine, kryesisht nga Ekuadori. Ajo përpunohet këtu dhe shpërndahet në vendet evropiane. Pikërisht për këtë arsye kjo organizatë është vënë edhe në shënjestrën e autoritete amerikane.”, tha Hoxha.
Për më tepër, sipas gazetarit Policia e Shtetit ka dorëzuar një dosje në Prokurori mbi këtë organizatë, pak para kapjes së ngarkesës me drogë në ishullin grek.
Hoxha ndan mendimin se nëse deri më tani Balili ende nuk është ndaluar, kjo ndodh për shkak të ndihmës që i kanë ofruar punonjës të administratës. (D.D/Shuplaka)
