Gazetari investigativ Artan Hoxha zbulon detaje të reja nga grabitja në Rinas. Sipas tij, pasi grabitësit morën 7 thasë me rreth 2 milionë euro, ata u larguan me shpejtësi nga vendngjarja dhe fouristradat e tyre dhe i dogjën në urën e Limuthit. Pas ekspertizës policore, këto mjete rezultuan të vjedhura jashtë vendit dhe të pajisura me targa të falsifikuara.
Por pas djegjes së makinave, grabitësit sipas Hoxhës janë larguar me dy automjete të tjera, jo të njëjta: “Njëri luksoz dhe tjetri një furgon”.
Goxha tha se njëri prej autorëve hipi në një makinë luksoze së bashku me shumën e madhe të parave. Kurse të tjerët morën furgonin, i cili sipas gazetarit mendohet të jetë përdorur edhe në grabitjen e kaluar në këtë zonë.
Ndërsa përsa i përket fuoristradave që u përdorën në grabitje, mjeti tip “Jeep” ishte i modifikuar me shufra hekuri në pjesën e përparme të saj. Ky mjet është përdorur për të përplasur njërin prej autoblindave të BKT-së, në mënyrë për ta ndaluar.
Grabitja spektakolare ka ndodhur rreth orës 13:20 në Qafë Kashar në afërsi të Rinasit, ku u vodhën më shumë se 2 milionë euro, por ende nuk ka një shifër të saktë. Autorët kanë thyer me mjete të forta xhamat e makinave që po trasportonin paratë dhe njëkohësisht kanë qëlluar me armë zjarri kundrejt tyre. Këto para do të dërgoheshin drejt Vjenës, me një avion që u nis pak minuta më parë nga Rinasi dhe janë tërhequr nga Banka e Shqipërisë, për një bankë të nivelit të dytë, nga BKT-ja. (D.D/Shuplaka)
