Gazetari Artan Hoxha ndërsa ka folur në lidhje me ngjarjen e rëndë të sulmit ndaj shtëpisë së gazetares Klodiana Lala, ka bërë dhe një deklaratë të fortë që tregon se si gazetarët e kronikës së zezë janë kërcënuar për shkak të detyrës. Hoxha ndërsa ka përmendur në një media televizive rastet kur kolegët e tij gazetarë janë larguar nga vendi për shkak të kërcënimeve, duke iu referuar Flamur Vezajt i cili është larguar nga Shqipëria dhe jeton në SHBA, tha se atij i është vënë pistoleta në kokë.
“Flamur Vezajt i vunë pistoletën në kokë. Kam qenë prezent kur kërkohej mbrojtje për Flamur Vezajn. Ai u largua në SHBA”.
Artan Hoxha, shprehet se në shumë raste, autorët nuk identifikohen, gjë që sjell frikësimin e gazetarëve dhe largimin nga vendi ose mbylljen e gojës për shumë prej tyre.
Nga ana tjetër gazetari Hoxha u shpreh se reagimet politike dhe deklaratat e institucioneve të ndryshme që thonë se “autorët të vihen para drejtësisë” nuk mjaftojnë, por duhet vepruar konkretisht, për identifikimin, kapjen dhe dënimin e atyre që kërcënojnë dhe sulmojnë gazetarët. (B.H/Faxweb)
Discussion about this post