Artan Imami si rrallëherë ”hedh dritë” mbi jetën familjare, tregon për marrëdhënien me modelen 20 vite më të re dhe vajzën tre vjeçare

Ka disa përsonazhe të njohur që janë shumë të rezervuar sa i përket bërjes publike të jetës së tyre private dhe familjare. Një prej tyre është dhe aktori Artan Imami.

Në një lidhje prej disa vjetësh me modelen në moshë shumë të re Florenca Bellova dhe tashmë dhe me një vajzë, ai preferon që të mos bëjë asnjë foto publike nga jeta e tyre në çift.

Me gjithë sikletin për të ndarë me publikun jetën private, i ftuar në emsionin e Rudina Magjistarit, Imami pranon se prej disa vitesh bashkëjeton me partneren e tij, modelen 20 vite më të re, Florenca Bellova, dhe tre vjen më parë është bërë baba i një vajze, Odri Mael.

Siҫ rrëfen ai, kjo zgjedhje me dy emra erdhi për shkak se ҫifti nuk ishin akoma të bindur për t’i vendosur një emër, derisa, pas dy muajsh kur vajza mbeti pa emër, vendosën Odri Mael, pas një kompromisi me Florin për prejardhjen franceze të emrit.

Edhe pse vendosi të bëhet baba në një moshë të vonë, Imami tregon se të qenit baba, si edhe shumë të tjerëve, i ka ndryshuar jetën: “Ajo më ka bërë të jem më i përgjegjshëm, të mendoj me seriozitet për jetën, për të ardhmen, të jem më i disiplinuar. Është mendimi i parë që më vjen në mendje në mëngjes dhe i fundit në darkë”, – tregon aktori pa e fshehur emocionin e babait.

Ndërsa marrëdhenien me partneren e konsideron si një prej më të veҫantave që i ka ndodhur në jetë. Pyetjes së zakonshme të Rudinës “ku jeni njohur ju të dy”, Tani refuzon t’i përgjigjet drejtpërdrejt: “Jemi njohur siҫ njihen të gjithë njerëzit… Ҫ’rëndësi ka kjo tani?” – vazhdon më tej ai duke mos e fshehur sikletin, por duke shtuar se “fatmirësisht, nga ajo më ka ardhur një dhuratë e mrekullueshme siҫ është vajza jonë…”

Pyetjes nëse e ka kompleks diferencën prej 20 vitesh me partneren, Imami thonë: “Jo, nëse do ishte e kundërta do ta kisha kompleks, në këto kushte nuk kam arsye…”

Partnerja e tij Florenca Bellova, ka pasur disa eksperienca si modele, mes të cilave ka edhe disa foto provokuese topless. Ajo ka mbaruar universitetin “Katolika” në Milano (Itali), ka vazhduar studimet ne Universitetin e Triestes e më pas ka vijuar me Institutin e Studimeve Politike në Paris (Francë). Pavarësisht studimeve, ajo ka lëvruar modelimin si profesion, por ka edhe disa eksperienca me aktrimin.