Gazetari Artur Çani ka qenë i ftuar në emisionin “360 Gradë” të gazetarit Artur Zheji ku tha se në Shqipëri ka shkuar situata në bllokimin e sistemit të veresisë.
Gazetari u shpreh se në momentin kur qytetarët nuk do munden që të sigurojnë dot bukën e fëmijëve të tyre, atëherë revolta do të jetë mjaft e madhe, dhe nuk mund që të ketë ndërkombëtar për ta ndalur.
Çani: Të gjitha hesapet ne i bëjmë me politikën. Po me popullin i bën njeri? Ta pyes zotin Liti tani në zonën e vet sa veta blejnë ushqime me emra? Me lista?
Liti: Një përqindje shumë e madhe.
Çani: Kjo përqindje në Shqipëri ka filluar të rritet dhe unë që merrem me këtë punë po ju them që ka arritur deri aty, që ata që janë furnizuesit kryesorë nuk kanë më të japin veresie. Sepse ai grosisti nuk i jep më këtyre. Pra po kalon sistemi në bllokim.
Dhe kjo pastaj kur t’i bllokohet atij ajo buka e kalamanit ai nuk sheh më se i thotë LSI, PS, apo deputetët e rinj, por merr një dru dhe e thyen atë xhamin dhe merr çfarë ka brenda. Dhe ishalla nuk vijmë në këtë pikë. Dhe ndërkombëtarëve ju pëlqen statuskuoja dhe sa nuk kemi ardhur këtu jemi në rregull.
(E.K/FAXWEB.AL)
