Listat e Partive me kandidatët për deputetë në zgjedhjet e Qershorit kanë rezervuar disa surpriza në emrat në fakt.
Shumë deputetë janë lënë jashtë e emra të tjerë iu janë besuar qarqe mjaft të rëndësishme.
Rasti konkret është edhe qarku i Tiranës për Partinë Socialiste. Në krye të listës me 37 kandidatë qëndron Elona Gjebreja, ndryshe nga emrat e Tahirit apo Majkos që ishin përfolur më parë.
Gjebrea tani mban poston e zëvendësministres së Brendshme.
PO KUSH ËSHTË ELONA GJEBREA:
Elona Gjebrea, ka lindur në 18 maj 1968 në Tiranë dhe është e martuar.
Ajo është diplomuar në Biologji, Fakulteti i Shkencave të Natyrës, në Universitetin e Tiranës në vitin 1991.
Gjebrea është Doktore e Shkencave, që nga nëntori 2008, dhënë nga Universiteti i Ëorcester në bashkepunim me Universitetin Conventry në Mbretërinë e Bashkuar.
Ajo mban gradën Master Shkencor, Tema në Aerobiologji, Fakulteti i Shkencave të Natyrës, Universiteti i Tiranës, 1999 – 2001.
Në maj 1992 dhe në vazhdim deri në 2002, Gjebrea ishte në pozicionin e Aerobioligjstes në klinikën e Alergollogjisë, pranë Qendra Spitalore Universitare “ Nënë Tereza”
Në dhjetor 1995, ka kryer studim kërkimor në Aerobiologji, Muzeu Suedez i Historisë së Natyrës.
Nga maji 2000 deri në maj 2005, ishte lektore me kohë të pjesshme e Biologjisë, në Universitetin e Infermierisë.
Nga qershori 2004 dhe aktualisht është lektore e lëndëve të Shkencave të Natyrës, në Universitetin e Neë Yorkut në Tiranë.
Nga tetori 2005, ishte Drejtore Ekzekutive e “Qendrës Shqiptare për Popullsinë dhe Zhvillimin”, një organizatë anëtare e akredituar e IPPF.
Nga vitet 1997 deri në 2012, është anëtare e disa shoqatave ndërkombëtare.
Që prej 5 tetorit 2013, znj. Gjebrea është emëruar në pozicionin e zv/Ministres së Punëve të Brendshme dhe Kordinatore Kombëtare për Luftën Kundër Trafikimit të Qënieve Njerëzore.
Gjebrea ka marrë pjesë në shumë takime e ndërkombëtare. Ajo është autore e disa konsulencave dhe studimeve-kërkimore. (E.K/SHUPLAKA)
Discussion about this post