Tridhjetë punëtorë kanë lënë punën në HEC-in në Moglicë, për shkak të përqëndrimit të lartë të asbestit dhe mosmarrjes të asnjë mase.
Ata u shprehën se vendosën të largohen pasi asgjë nuk ndryshoi pas protestës dhe puna vijoi në të njëjtat kushte.
“Pas protestës asgjë nuk ndryshoi, u larguam se nuk u morr asnjë masë. Puna ka rifilluar në të dyja tunelet, ku futemi pa maskë të posaçme. Punëtorët vijojnë të punojnë në të njëjtat kushte, por nuk protestojnë pasi kanë frikë mos pushohen nga puna.”, janë shprehur punëtorët që vendosën të largohen.
Nga ana tjetër, kompania “Devoll hydrapoëer” deklaroi disa ditë më parë se përqëndrimi i mineralit Asbest është i vogël.
