Ministria e Arsimit ka reaguar në lidhje me ngjarjen e rëndë në gjimnazin e Shupenzës ku asfiksuan nxënësit pas problemit me kaldajën e shkollës.
Ministria thotë se asfiksimi ka ndodhur në orën e dytë të mësimit nga kaldaja që funksionon me pelet ngu ku doli dhe tymi.
MAS deklaron se po bashkëpunon me autoritetet vendore për të zbardhur rastin.
REAGIMI:
Njoftim për shtyp
Ministria e Arsimit, Rinise dhe Sportit bën me dije për publikun të dhënat e përditësuara
mbi situaten e krijuar këtë të premte në shkollën “Rifat Manjani” në Shupenzë të Dibrës,
ku në orën e dytë të mësimit ka dalë tym nga kaldaja, e cila funksionon me pelet (lloj
druri i përpunuar). Për pasojë, nxënësit kanë patur vështirësi në frymëmarrje duke çuar
në ndërprerjen e menjëhershme të mësimit dhe në transportimin e nxënësve drejt qëndrës
shëndetsore në Shupenzë dhe në spitalet rajonale të Bulqizës dhe Peshkopisë. Aktualisht
në strukturat spitalore janë shtruar afro 60 nxënës nga të cilët njëri prej tyre është
transportuar ne Tiranë së bashku me një mësuese. Të dhënat nuk janë definitive pasi po
përditësohen duke qenë se situata mbetet ende në zhvillim.
Ministrja e Arsimit Lindita Nikolla dhe Ministrja e Shëndetsië Ogerta Manastirliu kane
qenë në komunikim të vazhdueshëm me mjekët si dhe autoritetet lokale. Ministrja
Nikolla ka kërkuar nga të gjithë drejtuesit rajonalë të arsimit ngritjen e një inspektimi në
bashkëpunim me pushtetin vendor për verifikimin e kaldajave, gjatë kësaj fundjave në të
gjitha shkollat. Po ashtu, edhe në shkollën “Rifat Manjani” bëhet me dije se mësimi nuk
do të fillojë pa bërë ritestimin e kaldajës.
(B.H/Faxweb)
Discussion about this post