Asgjësohen 412 rrënjë kanabis në Rogozhinë, Policia: Po punohet për kapjen e autorëve

Në Rrogozhinë janë asgjësuar 412 rrënjë bimë të dyshuara narkotike Cannabis Sativa në fshatin Vileboshtovë, Gosë. Nga ana e policisë po punohet për identifikimin dhe kapjen e autorëve.

DETAJE:

Specialistët e Stacionit të Policisë Rrogozhinë në bashkëpunim me Shërbimet e Policisë Kufitare Durrës, në vijim të kontrollit të territorit për parandalimin, evidentimin dhe goditjen e rasteve të kultivimit të bimëve narkotike, më datë 22.08.2017 gjatë kontrollit të ushtruar Rrogozhinë, afër lumit Shkumbin, kanë evidentuar dhe u asgjësuar me anë të djegies 412 rrënjë bimë të dyshuara narkotike Cannabis Sativa.

Punohet për identifikimin dhe kapjen e autorëve. Materialet iu referuan në Prokurorinë e Rrethit Gjyqësor, Kavajë për veprime të mëtejshme për veprën penale “Kultivim i bimëve narkotike” parashikuar në nenin 284 i Kodit Penal. (J.V/Shuplaka)