Ashpërsohen raportet mes Turqisë dhe Holandës. Kjo pasi Ministria e Jashtme e Turqisë si kundërpërgjigje për pengimin e ministrave turq që të marrin pjesë në tubime me qytetarë në Holandë, i ka kërkuar ambasadorit holandez që të mos kthehet në Ankara.
Në fakt Holanda nuk është vendi i parë që shprehet kundër tubimeve pasi edhe Gjermania kishte ndeshur në probleme me Turqinë.
“Njoftojmë se nuk dëshirojmë që të kthehet për një periudhë në detyrën e tij ambasadori i Holandës, i cili ende ndodhet me leje jashtë Turqisë”, thuhet në mesazhin e Ministrisë së Jashtme turke.
Ndërkohë qytetarë turq janë mbledhur para Ambasadës së Holandës në Ankara në shenjë proteste kundër qëndrimit të autoriteteve holandeze. (E.K/SHUPLAKA)
Discussion about this post