Aktorit të Hollywood-it, Ashton Kutcher, po i “zien gjaku” për shkak të vendimit të presidentit Donald Trump, për të bllokuar hyrjen e refugjatëve në SHBA.
Nëpërmjet një postimi në tëitter, Kutcher shprehet se ky vendim i presidentit e ka acaruar shumë, pasi edhe gruaja e tij, aktorja e njohur Mila Kunnis, është gjithashtu një emigrante.
“Gruaja ime erdhi në këtë vend përmes një vize për refugjatët në mes të Luftës së Ftohtë. Po më vlon gjaku në këto momente”, shkruan aktori.
Aktorja Mila Kunis, e cila është 33-vjeç, ka emigruar nga Ukraina për në Shtetet e Bashkuara së bashku me familjarët e saj, në vitet 1990.
“Ne kurrë nuk kemi qenë një komb i ndërtuar mbi frikën. Mëshira është rrënja e etikës së Amerikës. Dallimet tona janë themelore për qëndrueshmërinë tonë. Si një amerikan e respektoj presidentin tim, por unë nuk e respektoj këtë politikë. ”
“Nëse fakti që ngrihem për një Amerikë që nuk diskriminon më bën mua një aktor të krahut të majtë që s’ja ka haberin. Fuck it.”, shton aktori.
Mila ka lindur në qytetin ukrainas të Chernivtsi në vitin 1983, dhe është rritur në Rusinë komuniste. Në vitin 1991, në moshën shtatë vjeçare, ajo u shpërngul në Los Angeles me prindërit e saj Mark dhe Elvira, si dhe vëllain e saj Mark.
Në një intervistë për “Telegraph”, Mila ka thënë: “Ne nuk ishim të varfër kur kemi jetuar në Rusi, pasi shumica e njerëzve ishin shumë për të ardhur keq. Megjithatë prindërit e mi mendonin se vëllai im dhe unë nuk do të kishim të ardhme atje, kështu që ne u zhvendos në Shtetet e Bashkuara. ” (D.D/Shuplaka)
Discussion about this post