Nëse shtetet që disponojnë armë bërthamore lëshojnë armët e tyre kundër njëra-tjetrës, askush nuk do të mbijetojë, ka deklaruar presidenti rus Vladimi Putin.
Komentet e tij janë pjesë e një serie intervistash me regjisorin amerikan Oliver Stone, raporton “The Sun”.
Ai u pyet nga Oliver Stone nëse SHBA do dominonte po të niste një luftë e tillë.
“Unë nuk mendoj se dikush do t’i mbijetonte një konflikti të tillë”, u përgjigj Putin.
Putin deklaroi se një konflikt i tillë do të ishte shkatërrimtar.
Marrëdhëniet mes SHBA-së dhe Rusisë janë në nivel të ulët kohëve të fundit dhe presidenti rus nuk ka shumë shpresë për përmirësimin e gjendjes.
Këto deklara ai i bëri gjatë një shfaqje të shkurtër, e cila është pjesë e një dokumentari të titulluar “Intervistat e Putinit”, i cili do të transmetohet gjatë 4 netëve duke filluar nga 12 qershori.(B.H/Shuplaka)
