Ashtu si e kemi përmendur edhe më parë në shkrimet tona avokatja e shtetit për çështjen CEZ ka qenë në konflikt të hapur. Kjo pasi nga ana tjetër burri i saj po avokat ishte mbrojtës i Kompanisë çeke.
Gazetari Armand Maho publikon dëshminë e zyrës së Avokatisë Derain&Ghavari me qendër në Paris që ka shprehur habinë me qëndrimin e zonjës Hiçka. Duket se Hiçka e ‘’ka ndarë mendjen’’ për t’a nxjerrë Shqipërinë të humbur në këtë proces.
“Njëlloj surprizuese gjatë gjithë këtij procesi, ishte sjellja e Avokates së Përgjithshme të Shtetit, znj Alma Hicka. Avokatura e Shtetit është një entitet i pavarur që përgjithësisht është aktiv në përfaqësimin e Shtetit në arbitrazhet ndërkombëtare.
Megjithatë, në këtë çështje Zyra e Përgjithshme e Avokaturës së Shtetit, edhe pse e përfshirë, qëndroi në tërësi pasive gjatë gjithë procesit. Nuk kërkoi që ne të përgatisnim një opinion ligjor në lidhje me mosmarrëveshjen me CEZ, ose nuk kërkoi që në të përfshiheshim në negociatat e zgjidhjes me pajtim ose në procesin e vendimmarrjes.
Pavarësisht nëse kjo ishte apo jo një zgjedhje e vullnetshme etike, duke qenë se bashkëshorti i Avokates së Përgjithshme të shtetit, ishte ose është ortak në një firmë ligjore shqiptare, e cila përfaqësonte CEZ Shpërndarje sh.a, kur kontrollohej prej CEZ, kjo ishte një tjetër anomali, e cila e privoi qeverinë prej mekanizmit të kontrollit të pushteteve, e nevojshme gjatë një procesi të tillë”, thuhet në raportin e zyrës së avokatisë me qendër në Paris.
Discussion about this post