Kreu i Partisë Demokratike, Lulzim Basha ka deklaruar nga Shkodra para gazetarëve, se asnjë bashki në vend nuk ka kryetar përjashtuar Shkodrën që drejtohet nga Voltana Ademi, ndërsa ka theksuar se vendi mbahet penga nga një grusht njerëzish, që sipas tij janë në numër sa një ekip kalçetoje.
Me tej Basha ka thënë se edhe socialistët duan zgjedhje të lira dhe të ndershme dhe që sa më parë të shkohet drejt tyre aq më mirë do të jetë.
“Asnjë bashki nuk ka kryetar dhe e vetmja ligjshmëri pas paligjshmërisë së 30 qershorit është Shkodra, por shumë shpejt Shkodra dhe gjithë Shqipëria do të kenë mundësinë për ta ndryshuar sa më parë. Kjo do të ndodh nëse bashkohemitë gjithë bashkë.
PS vazhdon të turpërohet nga skandal pas skandali. E tha dikush aty në sallë që janë një grup njerëzish sa një skuadër kalçetosh që mbajnë peng Shqipërinë dhe që duan ta shtyjnë sa mund ta shtyjnë. Edhe socialistët janë të mërzitur nga qeveria që i turpëron çdo ditë më kandidatë të inkriminuar dhe që duan zgjedhje të lira dhe të ndershme”, tha Basha.
(F.GJ/FAXWEB.AL)
Discussion about this post