Pas lajmit të publikuar në Fax News ku ministri Arben Ahmetaj, shfaqej publikisht në një studio televizive duke ju premtuar naftëtarëve të Ballshit ‘pagën e luftës’, ka reaguar ministrja Belinda Balluku.
Ministrja e Infrastrukturës dhe Energjisë, Belinda Balluku, ka publikuar vendimin e publikuar në Fletoren Zyrtare ku thuhet se naftëtarët e Ballshit përfitojnë pagën e luftës, ndërkohë që punonjësit nuk kanë marrë akoma asnjë rrogë.
Ndërkaq për punonjësit vendimi është marrë vetëm në letër, duke i lënë në rrugë 800 naftëtarët e Ballshit, të cilëve ende nuk u ka kaluar asnjë lekë.
“Naftëtarët e Ballshit përfitojnë pagën e luftës prej 40 mijë lekësh. Vendimi i Qeverisë, i marrë në datë 23 prill 2020 dhe botuar tashmë në Fletoren Zyrtare, është mëse i qartë dhe nuk ka asnjë vend për dyshime e as për abuzime politike.”- njofton Balluku.
