Ndonjëherë kur do qeveria di të jetë edhe dorëlëshuar. Rasti më i fundit është vendimi që ajo ka marrë për të mbuluar pjesërisht kurimin e mjekut të QSUT-së, Agim Sallaku. Ai prej disa kohësh vuante nga një sëmundje e rëndë, dhe ka pasur edhe një kurim disa mujor në Turqi.
Qeveria ka akorduar një fond prej 2 milionë e 500 mijë lekësh të reja. Dhe deri në këtë pikë jemi shumë dakord! Pse jo për një mjek me emër, që është edhe shef i pavionit të onkologjisë të jepet një shifër e tillë.
Por ndërsa shkruan për të, nuk ka sesi të mos ngresh pyetjen: Po për Florencin, të riun 23-vjeçar nga Shkodra a nuk kishte mundësi qeveria që të jepte ndonjë qindarkë sa ishte gjallë. Për të mos përmendur pastaj që me rastin u morrën vetëm pasi Spitali në Francë vendosi që t’i hiqte tubat që e mbanin gjallë të riun.
Familjarë të tij u shprehën se kjo kishte ardhur vetëm për shkak se ata nuk kishin mundësi ekonomike që të paguanin qëndrimin në spital.
Vendimi që sjell më poshtë ‘’Faxweb” mban firmën e zëvendësministres Sonida Mesi, e cila për ironi të faitit është edhe e zgjedhur në Shkodër, qytet ku familja e Flotrencit prej disa ditësh ka hapur dyert e mortit, ndërsa sot pritet që të mbërrijë trupi i tij nga Franca.
Edhe njëherë e theksojmë se jeta e çdo njeriu është e shtrenjtë, dhe askush nuk është kundër mbulimit të shpenzimeve për mjekun e njohur, po nga ana tjetër çdo qytetar meriton të trajtohet si i barabartë.
(E.K/FAXWEB)
Discussion about this post