Presidenti i Sirisë, Bashar al-Assad është shprehur se konflikti në Siri, i cili ka shkaktuar mijëra viktima, mund të zgjidhet nëse marrëdhënia mes Shteteve të Bashkuara të Amerikës dhe Rusisë përmirësohen.
“Konflikti i armatosur në Siri mundet të zgjidhet në rast se presidenti i zgjedhur Donald Trump plotëson premtimin e tij elektoral dhe përmirëson marrëdhëniet e vendit të tij me Rusinë .”, mësohet të ketë thënë presidenti sirian në një intervistë të dhënë për italiane “Canale 5”.
“Shprehemi optimistë, ne nuk e dimë se ç’politikë do të ndjekë Trump me Lindjen e Mesme në përgjithësi dhe as se si do të komunikojë me grupe të ndryshme lobuese në Shtetet e Bashkuara të Amerikës që mbajnë qëndrim të kundërt nga Trump.”, ka shtuar ai më tej.
Sipas Bashar al-Assad nga marrëdhënia e mirë mes dy vendeve do të përfitojnë të gjitha vendet: “Nga marrëdhënia e mira mes këtyre dy superfuqive do të përfitojnë pothuajse të gjithë vendet në botë, duke përfshirë edhe shtetet e vogla si Siria. Në këtë drejtim, mund të themi se një zgjidhje për Sirinë është e mundur.”
Discussion about this post