Astrit Patozi: Pse hoqa dorë nga gara, miqtë më thonë se duhej të kisha vazhduar

Deputeti Astrit Patozi, i ftuar në emisionin “Kjo Javë” të gazetares Nisida Tufa, ka folur për arsyet e tërheqjes së tij nga gara për kreun e PD-së.

“Ka shumë që nuk e kuptojnë, madje edhe miq të mi që më kanë thënë që unë mund të kisha garuar pavarësisht garës së padrejtë. Njëmijë herë të kthehem mbrapa do bëja të njëjtën gjë. Në asnjë rast unë nuk do pranoja të futesha në një garë pa rregulla, ku listat janë sekret. N Kryesinë e PD-së u propozua të bëhej një analizë për zgjedhjet, gjë që na u mohua.

Ishte absolutisht e papranueshme që zoti Basha të garonte si kryetarë dhe të tjerët si pretedentë. Për këtë e shoh si një farsë elektorale.  Unë nuk mund t’ja lejoja vetes këtë gjë.”, është shprehur Patozi.

Sakaq, Patozi ka folur edhe për çështjen e listave të zgjedhësve të cilët do votojnë për Eduard Selamin ose për Lulzim Bashën, dy kandidatët e vetëm për postin e kryetarit.

“Çështja e listave u ngit për herë të parë në 2013, por pati zgjidhje. PËr shkak se nuk vinin nga drejtimi. Dy të tjerët nuk patën akses në lista, mirëpo Berisha tha jam unë garanti. Ky problem u tejkalua, ne bëmë një informatizim të rregullave. Tani thuhet se listën nuk mund ta kesh. Nuk ka pse të fshihen se dihet se kush janë.

Ata thonë t’i mund të bësh fushatë në ajër, kurse ai vetë i drejtohej njerëzve që e dinte se kush ishin.”, ka shtuar Patozi. (D.D/Shuplaka)