At Nikolla Marku, i vetëshpallur si prift i kishës Ortodokse “Shën Mëria” në Elbasan, ndodhet gjendje të rëndë shëndetësore.
Familjarët e tij bëjnë me dije se me të ardhurat e tyre, nuk i përballojnë dot ilaçet dhe terapinë e domosdoshme për kurimin e tij.
Sociologia dhe pedagogia e njohur Entela Binjaku bën thirrje për ta ndihmuar priftin ortodoks, nëpërmjet një statusi në rrjetet sociale.
“Shqiptarë! At Nikolla Markut i nevojitet ndihma jonë. Mëkëmbja e shëndetit të rënduar do ia mundësonte At Nikollës që ai sërish të kryejë obligimet e tij baritore, shpirtërore dhe atdhetare ndaj trashëgimisë kulturore të autoqefalisë së Kishës Orthodokse Shqiptare.
Prandaj sot, Ju bijtë dhe bijat besnike ndaj Flamurit të Skënderbeut, jeni të ftuar që mesa të keni mundësi të ndihmoni Mburojën e Kishës Orthodokse Shqiptare kundër invadimit greko-serb. Ndihmën tuaj mund ta drejtoni te: CREDINS bank, Elbasan, SËIFT i bankes Credins CDISAL TRXXX AL 9121231076 0000 0000 0039 2601”, shkruan ajo.
Atë Nikolla Markun jemi mësuar ta shohim duke kritikuar Kishën Ortodokse Autoqefale të Shqipërisë dhe kryepeshkopin, Hirësinë e Tij, Anastas Janullatos, veprim i cili shpesh ka ngjallur zemërim tek besimtarët, po aq sa ka fituar simpatinë e shumë të tjerëve.
“Në gjithë këto kohë kam vëzhguar mjaft nga njerëzit publikë që kemi në Shqipëri dhe sipas meje i vetmi që kam parë të elektrizojë dhe të marrë një simpati nga të gjithë në sallë, ka qenë At Nikolla Marku. Atë energji të mirë që krijon At Nikolla Marku nuk e krijonte as ish-km.i fundit që kemi pasur”.
At Nikolla Marku nuk është mirë me shëndet, ka nevojë për ndihmën tonë! Do t’ju lutesha të bënim diçka për të”, shton Binjaku. (D.D/Shuplaka)
Discussion about this post