Mbrëmjen e djeshme u shpërnda fillimisht në mediat pranë qeverisë një draftopinion i Komisionit të Venecias, që ishte në Shqipëri për të mbledhur informacione lidhur me vendimin e presidentit Meta për të shtyrë zgjedhjet e 30 Qershorit.
Në draftin që mbante datën 29 shtator, thuhej mes të tjerave se presidenti nuk ka tagër ligjor apo kushtetues mbi shtyrjen e zgjedhjeve, e megjithatë kjo shkelje sipas Komisionit të Venecias nuk cilësohej aq e rëndë sa për të shkarkuar kreun e shtetit.
Ca më tej në draftin e Komisionit thuhej se shkarkimi i presidentit nuk do ti shërbente aspak situatës së tensionuar në vend, edhe për shkak se pothuajse të gjitha institucionet janë në dorën e qeverisë, dhe kjo do të sillte përqëndrimin e mëtejshëm të pushtetit në pak duar.
Një grafikë tejet interesante për të përshkruar situatën pas Venecias e ka bërë artisti Avni Delvina, i cili ka zbuluar dhe dy prej iluzionistëve më të mëdhenj të Rilindjes.
“Grafike nga cikli ” Iluzionistet e Venecias”. Per rilindasit nuk ka rendesi realiteti, sepse ata jetojne ne nje dimension tjeter. Ne grafike jane te prezantuar dy iluzioniste te rilindjes dhe nje ndihmese…Ata japin nje cfaqje ne sheshin San Marco te VENECIAS, ku njeri e ngre ndihmesen ne ajer, ndersa tjetri nxjerr leprin nga kapelja…Ata besojne se presidenti i republikes mund te hiqet me plluma dhe lepuj”, shkruan Delvina bashkëngjitur grafikës së tij.
