“Ata të çadrës s’kanë ç’të humbasin”, banorët ngrenë duart lart, ç’u kërkoi Veliaj

Gjatë përurimit të rrugës së re në Krrabë, kryetari i Bashkisë së Tiranës, Erion Veliaj, u kërkoi banorëve që të mos mungojnë ditën e zgjedhjeve parlamentare. Duke akuzuar “ata të çadrës se nuk kanë ç’të humbasin, se të papunë janë”, ai këmbënguli që banorët të angazhohen.

Gjatë fjalës së tij, u kërkoi banorëve që të ngrenë duart lart pas pyetjes: “Sa prej jush do na japin një dorë në këto zgjedhje?”

“Në momentin që nuk na shikoni cdo ditë me një punë konkrete, atëherë do i humbi shpresat. Për sa kohë që cdo ditë ka një produkt, të kthehemi prapa do ishte një gabim i rëndë. Do ishte gabim nëse nuk votoni. Për cdo njeri të mirq që nuk angazhohet, një nga ata të cadrës që nuk kanë cfarë të humbasin se e kanë shkatërruar vendin… sigurisht ata papunë je. Një pyetje konkrete: Sa prej jush do na japin një dorë në këto zgjedhje? Ndaj miqtë e mi bëhuni të gjithë bashkë.

Shumë kemi bërë, shumë kemi për të bërë akoma, shumë kemi për të humbur nëse kthehemi mbrapsht.”, u shpreh Veliaj. 

(XH.A/SHUPLAKA)