Një i moshuar ka humbur jetën ditën e e sotme në plazhin e Zvercentit, në Vlorë.
Policia njofton se në orën 11:25 në Sallën Operative të Policisë së Vlorës ka mbërritur një telefonatë se një pushues ka ndërruar jetë .
I moshuari me iniciale Z.I, 83 vjeç, banues në Fier ishte duke pushuar në atë zonë.
Mësohet se nga ekspertiza që kanë bërë mjeko-ligjorët mbi trupin e pajetë nuk kanë konstatuar shenja dhune apo dëmtime të tjera. Policia thotë se dyshohet se vdekja i ka ardhur për shkaqe kardiake pasi i moshuari kishte probleme me zemrën.
Ndërkohë grupi hetimor, ndodhet në vendngjarje duke kryer veprimet e mëtejshme në lidhje me sqarimin e plotë të rrethanave të ngjarjes. (S.SH/Shuplaka)
